Reperi i njohur A$AP Rocky është shpallur i pafajshëm për akuzat e sulmit me armë pas një gjyqi të zhvilluar në Los Angeles. Rocky, i cili është partneri i këngëtares Rihanna, u akuzua për dy krime të rënda të sulmit me armë gjysmë-automatike lidhur me një incident në nëntor të vitit 2021 në Hollyëood.
Ish-miku i tij, A$AP Relli, ishte pjesë e këtij incidenti, duke pretenduar se ishte qëlluar nga Rocky, megjithëse ai nuk u lëndua rëndë. Pas një gjyqi që zgjati disa javë, juria shpalli Rocky-n të pafajshëm pas rreth tre orësh diskutimesh.
Pas shpalljes së pafajësisë, A$AP Rocky e festoi vendimin me partneren e tij Rihanna, e cila ishte pranishme në sallën e gjyqit gjatë gjithë procesit dhe e mbështeti në çdo moment.
