Drejtuesi Politik i Partisë Socialiste për Diasporën, Taulant Balla, zhvilloi një takim me emigrantët shqiptarë në Prato, Itali, ku njoftoi se numri i kërkesave për regjistrim nga Italia ka arritur në 100,000.
Balla theksoi se diaspora do të sigurojë fitoren më të madhe për PS, duke i dhënë shumicën e cilësuar në parlament. Ai vuri në dukje reformat e qeverisë Rama dhe planin për të nisur programin “Mësues për Italinë” në shtator, për mësimin e gjuhës shqipe.
PS synon të përfaqësojë diasporën me kandidatë të rinj në parlament, duke ftuar shqiptarët jashtë vendit të bëhen pjesë e ekipit të saj dhe të votojnë për vazhdimin e reformave.
