Një 46-vjeçar, Gjurjan Trajani, është arrestuar nga policia pas vjedhjes së një çante me 47 milionë lekë, e cila ndodhej në një automjet të parkuar në zonën e Medresesë. Pjesa më e madhe e shumës ishte në lekë, por kishte edhe euro dhe dollarë.
Policia arriti të identifikonte dhe kapte autorin falë një operacioni të koduar “Përsëritësi”. Trajani, i dënuar më parë për vjedhje, u arrestua dhe gjatë kontrollit në shtëpinë e tij u sekuestruan paratë e vjedhura.
Materialet u kaluan Prokurorisë për veprime të mëtejshme.
