Drejtuesi politik i Partisë Demokratike për qarkun e Tiranës Belind Këlliçi me anë të një postimi në rrjetin e tij social ka reaguar në lidhje me deklaratat që dha ditën e sotme Edi Rama.
Këlliçi shprehet se sipas tij kulmi nuk është ajo çfarë tha Rama sot por që kryetarja e Komisionit të Ligjeve prish provat duke penguar drejtësinë dhe shkelur ligjin.
Sipas Këlliçit shkelja e ligjit dhe prishja e provave nga ana e Klotilda Bushkës ka penguar hetimin e SPAK:
“Kulmi nuk është ajo çka tha Edi Rama sot: Pra Kryetarja e Komisionit të Ligjeve, e merr vesh nga TV që po hetohet dhe ky është kulmi!!!
Kulmi është që Kryetarja e Komisionit të Ligjeve, prish provat duke penguar drejtësinë dhe shkelur ligjin, ndaj edhe po hetohet!
Kulmi është që Kryetarja e Komisionit të Ligjeve, i ka hequr kulmin ‘çatisë’ së ligjit, pra Komisionit Parlamentar të Ligjeve!
Ky po që është kulmi!!!”, shkruan Këlliçi.
