Kryeministri Edi Rama ka njoftuar se më 2 mars do të jetë në Athinë për të marrë pjesë në Panairin e Punës, ku do të jenë të pranishëm sipërmarrës dhe biznese shqiptare që do të ofrojnë mundësi pune për shqiptarët atje. Panairi titullohet “Puno dhe jeto aty ku ke zemrën”.
Përmes një postimi në Facebook, Rama i ftoi emigrantët të marrin pjesë, duke u shprehur: “Të dielën më keni në Eladha, po ju që jeni jashtë shikojeni pak këtë ju lutem dhe mbrëmje të këndshme të gjithëve”.
“Tani një porosi kam unë për shumë kënd në diasporë që nuk i është aprovuar regjistrimi. Është bllokuar se e kanë venë nga kjo anë e kartës, po adresa është nga pjesa e pasme e kartës. Do u lutesha shumë emigrantëve që nuk u është aprovuar kërkesa në platformën e KQZ , duhet ta vendosin kartën nga pjesa e pasme ku është edhe adresa”, sqaron Rama.
