Ish-kryebashkiaku i Kukësit, Safet Gjici, ka dorëzuar kërkesën e tij të dytë për liri me kusht në Gjykatën e Shkallës së Parë të Elbasanit, pasi kërkesa e parë u refuzua. Ai kërkon që të vuajë pjesën e mbetur të dënimit në shtëpi.
Gjici u arrestua më 24 qershor 2023, pas publikimit të një video-skandali ku ai shihej në marrëdhënie intime në zyrën e tij me Alma Kaçin.
Në fillim, ai u akuzua për korrupsion pasiv, por gjatë procesit gjyqësor, akuzat u ndryshuan në shpërdorim detyre dhe u dënua me 2 vjet burg, ndërkohë që Alma Kaçi u dënua me 1 vit burg për “prostitucion”. Hetimet e SPAK konfirmuan se Kaçi ofroi favore seksuale në këmbim të përfitimeve të paligjshme.
