Më 28 shkurt 2025, doganierët grekë zhvilluan një grevë, duke shkaktuar pezullimin e kalimit të mjeteve nga Shqipëria në drejtim të Greqisë përmes tri pikave kufitare: Kakavijë, Qafë Botë dhe Tre Ura.
Qarkullimi për automjetet është ndaluar nga ora 07:00 deri në orën 23:00, ndërsa vetëm këmbësorët dhe rastet emergjente lejohen të kalojnë.
Policia Kufitare e Janinës ka bërë thirrje për qytetarët dhe drejtuesit e automjeteve që të shmangin grumbullimin në pikat kufitare dhe të gjejnë alternativa për të udhëtuar.
