Presidenti i Partisë së Lirisë Ilir Meta i cili ndodhet në burg ka uruar për muajin e shenjtë të Ramazanit.
Meta në rrjetin social në facebook uron të gjithë besimtarët një agjerim të lehtë, të pranuar, të shëndetshëm dhe me mbarësi.
“GËZUAR MUAJIN E BEKUAR TË RAMAZANIT! Ju uroj nga zemra të gjithë besimtarëve myslimanë shqiptarë agjërim të lehtë, të pranuar, të shëndetshëm dhe me mbarësi!
“Mos u ligështoni dhe mos u pikëlloni, sepse ju, gjithsesi jeni më të lartët, nëse jeni besimtarë të vërtetë.” – Kuran
Me besimin në Zot, u bashkohem lutjeve për bekime, shëndet dhe lumturi në çdo familje shqiptare”, shkruan Meta në Facebook.
