Një 22-vjeçar turk është arrestuar në Fier pasi ka paguar për karburant me kartëmonedha të falsifikuara.
Turku B. O., i cili jeton në Turqi, u kap pas një kallëzimi nga një punonjës i një pike karburanti në fshatin Çermë e Sipërme. Pas hetimeve, ai u identifikua dhe u arrestua për veprën penale “Falsifikimi i monedhave”.
Gjatë kontrollit të automjetit që ai kishte marrë me qira, u gjet dhe një kartëmonedhë 100 dollarëshe e dyshuar si e falsifikuar, e cila u sekuestrua nga policia. Materialet procedurale i kaluan Prokurorisë pranë Gjykatës së Shkallës së Parë në Fier për veprime të mëtejshme.
