Lideri i pakicës demokrate në Senatin amerikan, Chuck Schumer, akuzoi Donald Trump dhe zëvendëspresidentin e tij, J.D. Vance, se po bëjnë “punën e pistë të Putinit” referuar përplasjes me Zelenskyn.
“Demokratët nuk do të ndalojnë kurrë së luftuari për liri dhe demokraci”, tha Chuck Schumer për HuffPost, duke postuar një video të debatit të tensionuar që u shpalos para gazetarëve në Zyrën Ovale.
Kritikat e bëra nga kundërshtarët e tij brenda partisë republikane ishin të ashpra , duke thënë pak a shumë se presidenti amerikan ishte korruptuar nga Rusia. Llogaria “Republikanët kundër Trump” në X ripostoi postimin e Presidentit të SHBA në Truth Social dhe shkroi: “Putin mori atë që pagoi”.
“Ndihem shumë i turpëruar për vendin tim tani. Trump dhe Vance përdorin fjalën Zot, por bëjnë të kundërtën e Zotit. “Më falni President Zelensky” shkruan Auntie Smartassy.
Llogaria “Protect Kamala Harris” postoi një foto të Zelensky dhe i ftoi ndjekësit e tij të ripostojnë nëse qëndrojnë në solidaritet me Presidentin ukrainas kundër Trump dhe Vance.
Lidhur me vërejtjen e bërë nga një gazetar amerikan për Volodymyr Zelensky-t për veshjen e tij, përfaqësuesi demokrat Eric Swalwell postoi një foto të Elon Musk në kabinetin ku këshilltari miliarder kishte veshur një bluzë, duke shkruar “Kjo është arsyeja pse Zelensky nuk veshi kostum në Shtëpinë e Bardhë”.
Legjenda e shahut rus Garry Kasparov, i cili gjithashtu nxitoi të mbështeste Presidentin ukrainas, jeton gjithashtu në mërgim në SHBA. “Zelensky është një lider i kohës së luftës që sheh njerëzit e tij duke vuajtur dhe duke vdekur nën sulmet ruse çdo ditë.
Është e paimagjinueshme që Trump dhe Vance t’ju japin leksione dhe t’ju gënjejnë ndërsa mbrojnë diktatorin kriminel lufte që kryen këto mizori. “Një turp i përjetshëm për Amerikën”, ka shkruar Kasparov.
