Ambasadori i Bashkimit Europian në Shqipëri, Silvio Gonzato, ka theksuar se mbështetja e BE për reformën në drejtësi është e qëndrueshme dhe e palëkundur. Ai theksoi se, ndërsa reforma është e pakthyeshme, zbatimi i saj kërkon vëmendjen dhe mbështetjen e vazhdueshme të BE.
“Besimi eshtë një bindje që duhet të ushqehet vazhdimisht. Ai nuk mund të konsiderohet i dhënë. Kjo do të thotë se, ndërkohë që reforma në drejtësi është e pakthyeshme, zbatimi i saj kërkon vëmendjen dhe mbështetjen tonë të qëndrueshme. Sigurimi i pavarësisë dhe integritetit të gjyqtarëve është një detyrë dhe një përpjekje e përhershme”,– tha Gonzato në në tryezën e organizuar nga Ambasada e Holandës dhe Komiteti Shqiptar i Helsinkit.
Gonzato shtoi se siguria e pavarësisë dhe integritetit të gjyqtarëve është një detyrë që kërkon përpjekje të vazhdueshme. Ai nënvizoi se përgjegjësia dhe pavarësia janë të centralizuara në çdo shoqëri demokratike të bazuar në shtetin e së drejtës.
