Ditën e sotme ka dështuar zhvillimi i seancës në Gjykatën e Posaçme ndaj ish kryebashkiakut të Himarës Jorgo Goro dhe ndaj dy ish zyrtarëve të tjerë. Ditën e sotme pritej të bëhej mbrojtja dhe të shpallej vendimi nga gjykata.
Gjykata ka shtyrë seancën në datën 12 mars në orën 11:00. Gjithashtu ka dënuar me gjobë mbrojtësit ligjorë të Vezir Gjikoka me shumën 10 mijë lekë për arsye se nuk janë paraqitur në këtë seancë.
Gjyqtari Ardit Mustafaj caktoi avokat kryesisht për Jerasimo Bashin, duke qenë se mbrojtësi i tij nuk u paraqit. Me vendim u caktua avokati Artan Simoni, anëtar i dhomës së Avokatisë Tiranë. Për Vezir Gjikokajn u caktua avokate kryesisht Pranvera Doçi, anëtare e dhomës së avokatisë Tiranë.
