FIFA ka miratuar një fond rekord shpërblimesh prej 1 miliard dollarësh (930 milionë euro) për Kupën e Botës për Klube, turneu i cili do të zhvillohet verën e ardhshme në SHBA, nga 14 qershori deri më 13 korrik.
Ky turne i rinovuar dhe i zgjeruar do të ketë 32 ekipe pjesëmarrëse.
Shifra e shpërblimeve është më shumë se dyfishi i asaj që u ofrua për Botërorin e vitit 2022 në Katar, që ishte 440 milionë dollarë.
“Në mbledhjen e Këshillit të FIFA-s të së mërkurës në Zyrih, ne konfirmuam se do të ketë një fond shpërblimi prej 1 miliard dollarësh për Kupën e Botës FIFA për klubet pjesëmarrëse dhe një shumë prej të paktën 250 milionë dollarësh shtesë si solidaritet për klubet jo-pjesëmarrëse në mbarë botën”, shkruan presidenti i FIFA-s Gianni Infantino.
