Me urdhër të Prokurorisë pranë Gjykatës së Shkallës së Parë të Juridiksionit të Përgjithshëm Elbasan, sot janë shoqëruar në komisariatin e policisë katër zyrtarë të kompanisë Eco Alb.
Burime zyrtare nga Prokuroria konfirmuan se ata u shoqëruan pas një hetimi penal që po zhvillohet ndaj kësaj kompanie. Personat e shoqëruar janë drejtori, një inxhinier, një përgjegjës dhe një zyrtar i rëndësishëm i kompanisë Eco Alb.
Gjatë hetimeve, janë sekuestruar dokumentacione të shumta të lidhura me aktivitetin e kësaj kompanie. Hetimet vazhdojnë për të zbardhur plotësisht rrethanat e çështjes.
