Gjykata e Lartë ka shtyrë shqyrtimin e rekursit të paraqitur nga Arbër Veliaj dhe Ajola Xoxa, të cilët kundërshtojnë kontrollet e kryera në banesat dhe bizneset e tyre më 6 dhjetor të vitit të kaluar.
Sipas njoftimit në faqen zyrtare të Gjykatës së Lartë, një nga tre gjyqtarët e caktuar për shqyrtimin e çështjes ka kërkuar të tërhiqet për shkaqe papajtueshmërie. Trupa gjykuese përbëhej nga Ilir Panda si relator dhe Albana Boksi e Medi Boci si anëtarë.
Seanca ishte planifikuar të zhvillohej më 6 mars, por u shty për një datë të mëvonshme.
Ndërsa kryetari i bashkisë së Tiranës Erion Veliaj do të paraqitet më 11 mars para Gjykatës së Posaçme të Apelit, ku do të kërkojë masë më të butë sigurie. Çështja e tij do të shqyrtohet nga gjyqtari Engert Pëllumbi.
