Presidentja e Komisionit Evropian, Ursula von der Leyen ka reaguar pas lajmit nga Arabia Saudite se negociatat mes Ukrainës dhe SHBA-së kanë arritur të formulojnë një plan për armëpushim 30-ditor mes Kievit dhe Moskës.
Ursula von der Leyen në një postim në X shprehet se kjo është një zhvillim pozitiv që mund të jetë një hap drejt një paqeje gjithëpërfshirëse, të drejtë dhe të qëndrueshme për Ukrainën.
“Ne mirëpresim lajmet e sotme nga Jeddah në lidhje me bisedimet SHBA-Ukrainë, duke përfshirë propozimin për një marrëveshje armëpushimi dhe rifillimin e shkëmbimit të inteligjencës dhe ndihmën e SHBA-së për sigurinë.
Ky është një zhvillim pozitiv që mund të jetë një hap drejt një paqeje gjithëpërfshirëse, të drejtë dhe të qëndrueshme për Ukrainën.
Topi tani është në fushën e Rusisë.
BE-ja është e gatshme të luajë rolin e saj të plotë, së bashku me partnerët e saj, në negociatat e ardhshme të paqes.””, shkruan von der Leyen.
