Një ngjarje tragjike ka ndodhur në Greqi, ku një 53-vjeçar shqiptar ka masakruar me thikë bashkëshorten e tij 44-vjeçare dhe më pas ka hedhur veten nga ballkoni i shtëpisë në Sindos të Selanikut.
Përshkruhet se autori ka goditur vazhdimisht me thikë në bark bashkëshorten, e cila ka humbur jetën. Pas krimit, ai ka hedhur veten nga katet e shtëpisë, duke pësuar plagë të rënda.
I plagosuri është dërguar menjëherë në spitalin Papanikolaou, ku po merr trajtim mjekësor. Policia ka nisur hetimet për të zbardhur të gjitha rrethanat e ngjarjes.
