Komisionerja për Zgjerimin e BE, Marta Kos, u takua sot me udhëheqës të Partisë Demokratike, përfshirë Jorida Tabakun, Agron Gjekmarkajn dhe Gazment Bardhin. Ata diskutuan mbi zhvillimet e fundit në Shqipëri dhe mbështetjen e opozitës për procesin e integrimit në BE.
Demokratët theksuan se ky proces duhet të bazohet në reforma konkrete dhe respektimin e ligjeve, duke kundërshtuar çdo tentativë për t’u bërë një dhuratë nga Bashkimi Evropian. Ata ngritën shqetësime mbi përdorimin e administratës shtetërore dhe krimit të organizuar në zgjedhje, si dhe përpjekjet për të penguar regjistrimin e votuesve në diasporë.
Në fund, Tabaku, Gjekmarkaj dhe Bardhi kërkuan nga Bashkimi Evropian një monitorim të rreptë të zgjedhjeve, për të siguruar që procesi zgjedhor të jetë i drejtë dhe i lirë.
