Bisedimet për formimin e qeverisë së re në Gjermani mes partive të Unionit Kristian (CDU/CSU) dhe Partisë Social Demokratike (SPD) kanë nisur zyrtarisht.
Delegacionet e këtyre partive u takuan në Berlin dhe grupe të punës, përbërë nga 16 anëtarë nga çdo parti, do të punojnë për të hartuar një marrëveshje koalicioni deri më 24 mars. Çështje të rëndësishme si emigracioni, buxheti, taksat dhe mbrojtja priten të jenë pjesë e negociatave të ashpra.
Pas përfundimit të bisedimeve, marrëveshja e mundshme duhet të miratohet nga komisionet përkatëse të partive dhe, për SPD-në, edhe nga anëtarët e saj.
