Gjykata federale në Kaliforni dhe Maryland ka urdhëruar administratën e presidentit Donald Trump të rikthejë në punë mijëra punonjës të shkarkuar nga 19 agjenci federale.
Vendimi erdhi pas një padie të ngritur nga 20 shtete të udhëhequra nga demokratët, të cilët argumentuan se shkarkimet masive ishin të paligjshme.
Ky vendim godet përpjekjet e Trump dhe këshilltarit të tij Elon Musk për të zvogëluar buxhetet dhe shkarkuar punonjës të agjencive federale, përfshirë ato për mbrojtjen mjedisore, financat dhe zhvillimin ndërkombëtar.
