Dita e premte, 14 mars 2025, do të sjellë mot të ngrohtë dhe të kthjellët në zonat e ulëta dhe bregdetare gjatë paradites. Megjithatë, në zonat malore Verilindore dhe Juglindore, do të ketë vranësira të shpeshta dhe mundësi për shi. Orët e pasdites do të sjellin një shtim të vranësirave dhe lagështirës në ajër në të gjithë territorin e vendit, ndërsa në skajin verior mund të ndodhin rrebeshe të izoluara shiu.
Temperaturat do të pësojnë një rënie të lehtë në mëngjes, por më vonë pritet një rritje e ndjeshme, duke arritur deri në 25°C në qarqet e ulëta. Po ashtu, era do të fryjë me shpejtësi mbi 70 km/h nga drejtimi jugor, duke shkaktuar dallgëzim të fortë në brigjet detare, me lartësi deri në 6 ballë.
Për shkak të kushteve të motit, është e këshillueshme të keni kujdes në bregdet dhe në zonat malore.
