Kryetari i PD-së, Sali Berisha sot u paraqit në SPAK-un për masën e sigurisë. Në dalje, lexoi një pjesë duke pretenduar se është një përgjim i Taulant Ballës me bandën e Suel Çelën.
“Në janar të vitit 2021, Sueli, kapoja i bandës së Elbasanit është në diskutim me një tjetër personazh me pinin “D787BO” në lidhje me një çështje kundër tij, të nisur nga OFL-ja, dosja ndodhet në SPAK. Pini “D787BO” thotë se “do ta kthej dosjen nga SPAK-u në OFL”.
E shikoni si bëhen pazaret dhe pastaj më thonë, pse thua ti organizatë kriminale. A nuk është ky pazar, që ma hiqni dosjen dhe çojani edhe njëherë policisë. Pini “D787BO” thotë “do ta kthej dosjen nga SPAK tek OFL dhe shpresoj tek kushtet”.
E shikoni si bëhen dosjet si top futbolli për t’i nxjerrë jashtë afateve. Në fund, thuhet se “Tao është plotësisht i vetëdijshëm për këtë”. Dmth do ta bëjë se nuk ka ku të shkojë. Kjo ishte për sot për Taon dhe Redaktorin” tha ai.
