Kristi Bixhaku, i ekstraduar nga Holanda, është njohur me masën e sigurisë “arrest në burg” nga Gjykata e Posaçme për Krimin e Organizuar (GJKKO).
Bixhaku, 30 vjeç, akuzohet për pjesëmarrje në grupin kriminal të Laert Haxhisë dhe për veprat penale të “Shkatërrim i pronës me eksploziv”, “Sigurimi i kushteve materiale për të kryer vrasje”, dhe “Kryerja e veprave penale nga grupi i strukturuar kriminal”.
Ai dyshohet për sigurimin e lëndës shpërthyese në shtëpinë e Bujar Turkut në vitin 2022 dhe për sigurimin e kushteve për vrasjen e Genci Hidës. Bixhaku gjithashtu ka qenë i ndaluar në 2021 për vrasjen e Fridman Xhaferajt në Korçë, por më pas u lirua. Ai aktualisht qëndron në paraburgimin 313.
