Gjykatësi i procedurës paraprake në Maqedoni i caktoi “paraburgim afatshkurtër” prej 48 orësh ish ministrit të ekonomisë Kreshnik Bekteshi, ish drejtorit të Inspektoratit Shtetëror të Tregut, Goran Trajkovski dhe edhe 12 personave të dyshuar për zjarrin në diskotekën “Puls” në Koçan.
Gjykata vepron sipas propozimeve të Prokurorisë, lidhur me zjarrin në “Puls” në Koçan, në të cilin jetën e humbën 59 persona, ndërsa 155 janë lënduar.
Sipas hetimit të deritanishëm të institucioneve, në diskotekë nuk ka pasur rrjet hidrant dhe mjaftueshëm aparate kundër zjarrit, në të ishin shfrytëzuar jashtëligjshëm materiale piroteknike, nuk ka pasur licencë të ligjshme për punë dhe nuk ishte lidhur marrëveshje me shkrim ndërmjet organizatorit dhe grupit që bënte muzikë.
