Presidenti Donald Trump reagoi lidhur me bisedën telefonike që pati me Presidentin rus, Vladimir Putin, përmes një postimi në rrjetin social “Truth Social”.
Trump e quajti bisedën shumë të mirë dhe produktive, duke theksuar se të dy liderët ranë dakord për një armëpushim të menjëhershëm në sektorët e energjisë dhe infrastrukturës, me synimin për të arritur një armëpushim të plotë dhe për të përfunduar luftën mes Rusisë dhe Ukrainës.
Postimi i Donald Trump:
Sot pata një bisedë shumë të mirë dhe produktive me Presidentin Putin të Rusisë.
Ne ramë dakord për një armëpushim të menjëhershëm në sektorin e energjisë dhe infrastrukturës, me mirëkuptimin se do të punojmë shpejt për të arritur një armëpushim të plotë dhe, në fund, një FUND për këtë luftë të tmerrshme mes Rusisë dhe Ukrainës.
Kjo luftë nuk do të kishte filluar kurrë nëse unë do të isha president!
U diskutuan shumë elemente të një Marrëveshjeje për Paqe, përfshirë faktin se mijëra ushtarë po humbin jetën, dhe si Presidenti Putin ashtu edhe Presidenti Zelenskyy duan që kjo të marrë fund.
Ky proces tani është në fuqi dhe po ecën përpara, dhe shpresojmë, për hir të njerëzimit, ta çojmë deri në fund!
