Kombëtarja shqiptare e futbollit ka udhëtuar drejt Anglisë, ku do të luajë ndeshjen e parë të kualifikueseve të Botërorit 2026 të premten. Trajneri Silvinjo ka vendosur të zhvendosë stërvitjen në paraditen e të mërkurës për t’u dhënë mundësi lojtarëve të udhëtojnë pasdite dhe të kenë kohë të rikuperohen para ndeshjes.
Ekipi ka udhëtuar plotësisht drejt Londrës, me trajnerin që ka preferuar të marrë me vete 26 lojtarë. Megjithatë, prania e dy mbrojtësve, Ismajlit dhe Kumbullës, është në dyshim për shkak të problemeve të mundshme fizike që kanë këta dy futbollistë.
