Një ngjarje e përgjakshme ka ndodhur në Neapoli të Selanikut, ku një burrë me origjinë shqiptare është plagosur me armë zjarri jashtë një dyqani.
26-vjeçari dhe 40-vjeçari, të dy me origjinë shqiptare dhe me precedentë penalë, akuzohen si të përfshirë në ngjarjen, e cila dyshohet të ketë lidhje me trafikun e drogës.
Viktima u plagos në bark dhe u shtrua në spital, por pas 24 orësh qëndrimi, ai është liruar. 40-vjeçari u arrestua dhe është dërguar në Prokurorinë e Selanikut për akuza lidhur me tentativën për vrasje, ndërsa 26-vjeçari dyshohet të jetë autori dhe është në kërkim.
