Një ekip nga Kolegji i Mbrojtjes së NATO-s zhvilloi një vizitë zyrtare në Kolegjin e Mbrojtjes dhe Sigurisë në Forcat e Armatosura (FARSH). Shefi i Shtabit të Përgjithshëm të Forcave të Armatosura, Gjenerallejtënant Arben Kingji, u takua me dekanen dhe zv/komandanten e Kolegjit të Mbrojtjes të NATO-s, Suzanne Nelsen. Gjatë këtij takimi, ata diskutuan mbi sfidat e sigurisë dhe mundësitë e reja për arsimim në fushën e mbrojtjes.
Kingji theksoi rëndësinë e shkëmbimit të ekspertizës dhe përvojave nëpërmjet kurseve dhe trajnimeve, duke e cilësuar këtë si thelbësore për përgatitjen e liderëve të fushës dhe avancimin e kapaciteteve strategjike të Forcave të Armatosura shqiptare.
“Shkëmbimi i ekspertizës dhe përvojave nëpërmjet kurseve dhe trajnimeve është thelbësor për përgatitjen e liderëve të fushës dhe avancimin e kapaciteteve tona strategjike”, tha Kingji.
