Policia e Tiranës, në bashkëpunim me specialistët për Hetimin e Krimeve Kibernetike, ka nisur hetimet për një 29-vjeçar, pas denoncimit të një vajze 23-vjeçare. E.K., 29 vjeç, dyshohet se ka përndjekur të renë me telefonata.
Aktualisht, ai po hetohet në gjendje të lirë, ndërsa materialet procedurale janë referuar në Prokurorinë e Tiranës për veprime të mëtejshme.
Policia po vazhdon hetimet për këtë rast, ndërkohë që specialistët e Krimeve Kibernetike po mbledhin prova të tjera.
