Një aksident ka ndodhur mbrëmjen e sotme në lagjen “30-Vjetori” në qytetin e Beratit, ku një automjet që lëvizte me shpejtësi ka goditur një 15-vjeçare, e cila po kalonte në vijat e bardha.
Pasi ka përplasur adoleshenten, shoferi është larguar nga vendi i ngjarjes. 15-vjeçarja është transportuar menjëherë në Spitalin Rajonal të Beratit dhe ndodhet nën kujdesin e mjekëve.
Policia ka nisur hetimet dhe është vënë në kërkim të autorit, duke kontrolluar kamerat e sigurisë në vendin e aksidentit për të identifikuar mjetin dhe shoferin.
