Policia e Korçës ka realizuar një aksion të gjerë për të luftuar lojërat e fatit të paligjshme. Forcat e shqiponjave dhe patrullat e komisariatit kanë kryer kontrolle të imtësishme në disa lokale të qytetit, duke shoqëruar dhjetëra persona.
Aksioni ka nisur prej një ore dhe është ende në vazhdim, me qëllim kapjen e personave që ndihmojnë dhe organizojnë baste sportive të paligjshme.
Megjithatë, deri tani nuk ka të dhëna nëse do të ketë arrestime, por numri i të shoqëruarve është i lartë dhe ata po merren në pyetje.
