Këshilli Bashkiak i Dibrës ka miratuar ndihmën ekonomike për familjet në nevojë, por mbledhja ka qenë e tensionuar dhe përplasje mes këshilltarëve të Partisë Demokratike (PD) dhe kryetares së këshillit, Irini Shehu.
Këshilltarët e PD-së kanë lexuar një rezolutë ku kërkojnë shkarkimin e Shehut, duke e akuzuar atë për sjellje arrogante dhe fyese ndaj këshilltarëve. Pas kësaj, ata u larguan nga mbledhja, ndërkohë që socialistët dhe këshilltarët e PSD-së votuan për ndihmën ekonomike, duke miratuar me 19 vota pro.
Akuzat ndaj Irini Shehut nuk janë të reja, pasi ajo është denoncuar më parë për dhunë në spitalin rajonal të Dibrës, një incident që çoi në shkarkimin e saj nga pozita e drejtoreshës së këtij spitali.
