Ish-presidenti kroat, Stipe Mesiç, ka komentuar marrëveshjen në fushën e mbrojtjes mes Kosovës, Shqipërisë dhe Kroacisë, duke thënë se është një marrëveshje pozitive.
Ai theksoi se presidenti serb, Aleksandër Vuçiç, nuk ka pse të shqetësohet, pasi kjo marrëveshje është për mbrojtje dhe nuk ka ndonjë qëllim të drejtuar kundër Serbisë.
“Është situatë e vështirë për ne, por ne e kemi kuptuar mesazhin e tyre. Dhe, ne do ta ruajmë vendin tonë, do t’i pengojmë ata dhe gjithmonë do ta mbrojmë me sukses nga çdo agresor i mundshëm, qoftë edhe një agresor kaq i fuqishëm”, ka deklaruar Vuçiç për gazetarët në Bruksel më 19 mars.
Mesiç vlerësoi mundësinë që edhe shtete të tjera mund t’i bashkohen kësaj marrëveshjeje, duke e cilësuar si një hap pozitiv për bashkëpunim në rajon.
“Marrëveshja e mbrojtjes së Kosovës, Shqipërisë dhe Kroacisë është e mirë, me mundësinë që edhe vende të tjera të bashkohen”, ka përfunduar ish-presidenti kroat, Stipe Mesiç.
