Sot, ushtria izraelite njoftoi se po godiste objektivat e Hezbollahut në Libanin jugor pas një sulmi me raketa që u bë nga Libani në Izrael.
Kryeministri Benjamin Netanyahu dhe ministri i Mbrojtjes, Yisrael Katz, urdhëruan Forcat e Mbrojtjes të Izraelit (IDF) të veprojnë me forcë kundër dhjetëra objektivave terroristë në Liban, duke theksuar se Izraeli nuk do të lejojë që qytetarët e tij të rrezikohen dhe as sovraniteti i tij të cenohet.
Ky sulm vjen pas raketave të lëshuara mëngjesin e sotëm nga Libani, që përfaqësojnë herën e dytë që nga dhjetori, duke rritur shqetësimet për marrëveshjen e brishtë të armëpushimit mes Izraelit dhe Hezbollahut.
