Federata e Futbollit njofton tifozët e Kombëtares shqiptare se nga sot janë në dispozicion për shitje biletat fizike për ndeshjen e 24 marsit mes Shqipërisë dhe Andorrës.
Biletat mund të blihen pranë pikës së shitjes që ndodhet pranë hyrjes së tribunës kryesore të stadiumit “Arena Kombëtare”. Po ashtu, biletat do të vazhdojnë të jenë në dispozicion dhe online përmes faqes zyrtare të FSHF-së, Fshf.org.
Ndeshja e dytë kualifikuese në grupin E, mes Shqipërisë dhe Andorrës, do të zhvillohet këtë të hënë, më 24 mars, në orën 20:45 në stadiumin “Arena Kombëtare”.
