Një ngjarje tragjike ka ndodhur mbrëmjen e së dielës në Vushtri të Kosovës, ku një i ri ka humbur jetën si pasojë e plagëve të marra nga arma e zjarrit.
Policia e Kosovës njoftoi se rreth orës 20:35, janë raportuar të shtëna në rrugën “Galip Badivuku” në qytetin e Vushtrisë.
Nga hetimet e para, rezulton se viktima ishte një person rreth 19 vjeç, i cili ka ndërruar jetë për shkak të plagëve të shkaktuara nga arma e zjarrit.
Pas ngjarjes, njësitet policore kanë mbërritur në vendin e ngjarjes dhe kanë nisur hetimet për zbardhjen e rrethanave, duke e shpallur personin e dyshuar në kërkim.
