Kryetarja e Kuvendit, Elisa Spiropali po zhvillon një vizitë zyrtare në Parlamentin Hollandez.
Spiropali u prit në takim nga Kryetari i Dhomës së Përfaqësuesve, Martin Bosma, dhe Kryetari i Senatit, Jan Anthonie Bruijn. Në takim ishte i pranishëm edhe Ambasadori i Shqipërisë në Vendet e Ulëta, Artur Kuko.
Spiropali vlerësoi marrëdhëniet e shkëlqyera intensive politike dypalëshe, shkëmbimet e vizitave të nivelit të lartë, si dhe theksoi se ky momentum duhet ruajtur dhe bashkëpunimi duhet dhe mund të zgjerohet.
Ajo vlerësoi mbështetjen e Hollandës për rrugëtimin europian të Shqipërisë dhe ndau me homologët objektivin kombëtar strategjik për përfundimin e negociatave teknike të anëtarësimit brenda brenda 2027 dhe anëtarësimin brenda vitit 2030. Gjithashtu nënvizoi se mbështetja e palëkundur e Shqipërisë për Ukrainën do të vazhdojë.
