Rayyan Alwan, 24-vjeçarja palestineze e vrarë nga babai i saj në Tiranë, mund të varroset në kryeqytet pasi nuk ka asnjë kërkese nga familjarët për të tërhequr trupin e pajetë. Trupi i saj është mbajtur në morgun e Tiranës, dhe nëse nuk merret brenda afateve ligjore, ajo do të varroset në Shqipëri.
Viktima mbërriti në Tiranë më 19 shkurt së bashku me babanë, Fadi Alwan, i cili është i dyshuar si autori i vrasjes. Hetimet zbuluan se Rayyan u vra nga babai, ndërsa ai aktualisht është një nga personat më të kërkuar, duke u larguar pas krimit dhe duke u fshehur në Liban.
Policia vazhdon kërkimet për të zbuluar më shumë rreth rrethanave që çuan në këtë tragjedi dhe qëllimet e babait.
