Ministri i Jashtëm turk, Hakan Fidan, do të udhëtojë në Uashington më 25 dhe 26 mars për bisedime me Sekretarin e Shtetit amerikan, Marco Rubio.
Gjatë vizitës, Fidan do të diskutojë për çështje kyçe si mundësitë e përmirësimit të marrëdhënieve dypalëshe, përpjekjet për t’i dhënë fund luftës në Ukrainë, si dhe situatën në Siri dhe Gaza.
Ai do të theksojë nevojën për një bashkëpunim të ngushtë në industrinë e mbrojtjes, duke kërkuar heqjen e sanksioneve ndaj Turqisë dhe kthimin në programin e F-35.
Fidan do të shqyrtojë gjithashtu mundësitë për një armëpushim të përhershëm në Gaza dhe për mbështetje të mëtejshme për rindërtimin e Sirisë.
