Mbretëria e Bashkuar i ka kërkuar Rusisë që të pajtohet me “armëpushimin e plotë, të menjëhershëm dhe të pakushtëzuar” të propozuar nga Ukraina.
Ministria e Punëve të Jashtme, Komonuelthit dhe Zhvillimit tha se Mbretëria e Bashkuar ishte në kontakt të ngushtë me SHBA-në dhe Ukrainën pas përfundimit të bisedimeve në Arabinë Saudite.
“Presidenti Zelenskyy ka treguar tashmë se Ukraina është palë e paqes duke propozuar një armëpushim të plotë, të menjëhershëm dhe të pakushtëzuar”, tha zyra e jashtme.
“Ne shpresojmë që presidenti Putin do të pajtohet me këtë pa vonesë të mëtejshme”, shtoi me tej zyra e jashtme.
