Në seancën e kësaj të marte të dosjes “Plumbi i Artë”, i penduari i drejtësisë Nuredin Dumani ka vijuar të dëshmojë para avokatëve të të pandehurve. Gjatë seancës, Dumani ka zbuluar detaje të reja në lidhje me hetimet dhe ndalimin e tij, duke përmendur emra të personave të përfshirë.
Ai ka deklaruar se, pas arrestimit, në momentin e pyetjes së tij, i janë paraqitur emrat e Kreshnik Ajazit, Tonin Vocajt dhe drejtori i Policisë së Elbasanit, Çipa.
Nuredin Dumani: “Në momentin e ndalimit më kanë marrë në pyetje drejtori i Elbasanit dhe unë nuk i jam përgjigjur të korruptuarve. Fillimisht më kanë çuar në spital të Fierit dhe pastaj te “Ushtaraku” (Në Tiranë)!
Të pasnesërmen më kanë ardhur Kreshnik Ajazi, Tonin Vocaj dhe Çipa, drejtori i Policisë Elbasan. Nuk kam firmosur asgjë. Pas arrestimit, deklarimin tim të parë e kam bërë te spitali i burgut dhe aty kam firmosur”.
