Policia e Tiranës ka proceduar penalisht 7 punonjës të sigurisë dhe drejtuesin e një departamenti të një kompanie telefonike pasi nuk raportuan një ngjarje të ndodhur më 25 dhjetor 2024.
Dy persona të maskuar hynë në ambientet e kompanisë në Laprakë dhe dëmtuan derën e pasme, por nuk u shkaktuan dëme materiale. Punonjësi i sigurisë nuk njoftoi organet ligjzbatuese, dhe gjithashtu përfaqësues të kompanisë ishin në dijeni të ngjarjes, por nuk e kallëzuan atë.
Hetimet po vijojnë për zbardhjen e plotë të ngjarjes.
