Drejtori i Përgjithshëm i Policisë së Shtetit, Ilir Proda, ka mirëpritur një delegacion të Policisë së Italisë, i kryesuar nga Prefekti Alessandro Giuliano, për të diskutuar mbi forcimin e bashkëpunimit në luftën kundër krimit të organizuar.
Ky takim erdhi pas vizitave të ndërsjella, dhe synon avancimin e operacioneve të përbashkëta në fushën e hetimit dhe goditjen e organizatave kriminale.
Të dy palët vlerësuan bashkëpunimin e shkëlqyer deri tani, duke theksuar krijimin e skuadrave hetimore të përbashkëta dhe operacionet e suksesshme kundër trafikimit të lëndëve narkotike dhe kapjen e personave të kërkuar ndërkombëtarisht.
