Apeli i Gjykatës së Posaçme ka lënë në burg Samuel Troshanin dhe Izmir Sakicën, të akuzuar për dhunimin e shtetasit Vladimir Bruçi në lagjen Rus. Ata janë dënuar për veprat penale “Plagosja e lehtë me dashje”, “Kanosja”, dhe “Mbajtja pa leje e armëve, armëve shpërthyese dhe municionit”.
Ngjarja ka ndodhur më 3 qershor 2024, kur pas një konflikti për parkimin e automjeteve, Bruçi u godit fizikisht dhe me sende të forta. Troshani dhe Sakica janë vetëdorëzuar në Drejtorinë Vendore të Policisë Shkodër dhe po hetohen gjithashtu për një atentat të ndodhur më 30 tetor 2024.
