Policia e Tiranës ka arrestuar dy kushërinjtë, Marjo dhe Ersjon Boja, të cilët disa ditë më parë i prenë rrugën 38-vjeçarit Redi Vata dhe më pas e dhunuan me sende të forta në Kamzë. Ngjarja ndodhi më 24 mars, ku dyshimet janë se ata kanë goditur viktimën për motive të dobëta. Pas sulmit, autorët u larguan me një automjet Benz.
Gjatë hetimeve, në banesën e Marjo Bojës u sekuestrua një armë zjarri pistoletë dhe municion luftarak. Edhe pse autorët u shpallën në kërkim, Prokuroria e Tiranës vendosi t’i procedojë ata në gjendje të lirë. Ndërkohë, punonjësit e policisë vazhdojnë kërkimet për gjetjen e automjetit dhe dokumentimin e plotë të rastit.
