Kreu i Partisë Demokratike Sali Berisha mori pjesë në ceremoninë e fronëzimit të Kryepeshkopit të ri Joan Pelushi në kry të Kishës Ortodokse Autoqefale të Shqipërisë.
Berisha pas ceremonisë u shpreh se kjo është një ditë e madhe për të gjithë besimtarët shqiptarë. Ai i uron Kreyepeshkopit Joan vite të vekuara me dinjitet dhe sukses në udhëheqjen e Kishës.
“Ditë e madhe për besimtarët ortodoks shqiptarë, por për të gjithë besimtarët shqiptarë. Fronëzimi i Fort Lumturisë së tij Joani, si kryepeshkop i Kishës Autoqefale Shqiptare, kryepeshkop i Tiranës, Durrësit dhe gjithë Shqipërisë, është një ngjarje e madhe në historinë shpirtërore të këtij kombi.
Vazhdimi i traditës më të shkëlqyer të Fan Nolit, kryepeshkopit Janullatos dhe i uroj nga zemra, shumë e shumë vite të bekuara në dinjitet dhe sukses në udhëheqjen e Kishës”, tha Berisha.
