Mëngjesin e 27 marsit një shpërthim ka ndodhur në Lagunën e Patokut, duke shkaktuar dëmtime në një ambient rreth 50 metra larg një lokali. Z.T. menjëherë ka lajmëruar policinë për incidentin.
Sipas burimeve, lënda plasëse është vendosur tek disa banjo të jashtme të cilat ndodheshin larg lokalit.
Ende nuk dihet nëse bëhet fjalë për tritol apo ndonjë tjetër lëndë shpërthyese. Ndërkohë mostra nga vendngjarja janë dërguar për ekzaminim në laboratorët e specializuar në Tiranë.
Ndërsa autoritetet vijojnë hetimet për të zbardhur shkaqet dhe rrethanat e këtij shpërthimi. Gjithashtu policia ka rritur praninë në zonë për të siguruar perimetrin e ngjarjes.
