Kryetarja e Kuvendit Elisa Spiropali mori pjesë në Shërbesën e Fronëzimit të Fortlumturisë Tij, Joanit, si Kryepeshkop i Tiranës, Durrës dhe gjithë Shqipërisë i Kishës Orthodokse Autoqefale.
Spiropali në urimin e saj shprehet që Kryepeshkopi Joan të përmbushë me ndriçim, hir dhe urtësi misionin e tij hyjnor në shërbim të njerëzve , jetës shpirtërore dhe harmonisë.
“Vazhdoftë denjësisht udhën e Fan Nolit, Anastasit dhe gjithë paraardhësve të Tij! Përmbushtë me ndriçim, hir e urtësi misionin e Tij hyjnor si bari i grigjës së besimtarëve ortodoksë, në shërbim të njerëzve, jetës shpirtërore, lumturisë dhe harmonisë”, shkruan në urimin e saj Spiropali.
