Presidenti i Serbisë, Aleksandar Vuçiç ka bërë me dije se konsultimet për formimin e qeverisë së re fillojnë këtë të hënë.
“Unë do të filloj konsultimet për përbërjen e qeverisë së re të hënën. Do të shohim se çfarë do të thonë ata që kanë shumicën, nëse duan të formojnë qeverinë apo të shkojnë në zgjedhje,” është shprehur Vuçiç.
Ai gjithashtu përmendi mundësinë që Partia Socialiste e Serbisë mund të formojë një shumicë me një opsion tjetër politik.
Deri tani vetëm Partia Socialiste e Serbisë ka konfirmuar publikisht se koalicioni i saj do të shkojë në konsultime me Vuçiçin. Ndërsa kryeministri i qeverisë në mandat teknik Miloš Vuçeviç, ka deklaruar se ai pret që Serbia të formojë një qeveri të re së shpejti.
