Deputetja e Partisë Demokratike Dhurata Çupi ka zhvilluar një takim në degën 9 në Tiranë. Çupi u shpreh se qytetarët nuk duhet që të besojnë premtimet boshe të kryeministrit dhe nuk duhet që të votojnë Partinë Socialiste.
Ajo nënvizoi se në Tiranë nuk ka ujë dhe drita duke përmenduar një rast kur janë ndalur një orë.
“Legalizime nuk ka, drita jo, ujë jo. Dritat dje kanë ikur në këtë zonë 1 orë. Sot premtohet pasaporta e BE, kur nuk ka ujë dhe drita. Askush nuk duhet ta besojë kryeministrin, askush nuk duhet ta votojë PS-në. Pensionet janë në nivele mëshiruese, ne kemi paketën e emergjencës, për pensione të rritura. Ende qeveria nuk miraton minimumin jetik. Infrastruktura është në gjendje shumë të rëndë, ne duhet të forcojmë pasaportën e Shqipërisë, duhet të forcojmë shëndetësinë, arsimin”, tha Çupi.
